Էմանուել Մակրոնը այցելել է Ցեղասպանության հուշահամալիր

Էմանուել Մակրոնը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին։

«Վերադառնալով այստեղ՝ հիշողության և տապանաքարի վայր,
Բառերով նկարագրել դժվար է…
Որպեսզի բոլոր մահացածների անունները լսվեն,
Եվ որպեսզի պատմությունը չմոռացվի։

Ֆրանսիան միշտ կանգնած է հայ ժողովրդի կողքին
Եվ միշտ հարգում է Ցեղասպանության հիշատակը
Եվ անթիվ-անհամար գողացված ճակատագրերը»,- գրել է նա։

Նշենք, որ էմանուել Մակրոնը ժամանել է Հայաստան մասնակցելու Եվրոպական քաղաքական համայնքի գագաթնաժողովին։