Վազգեն Սաղաթելյանին կալանավորեցին 2 ամիս ժամկետով

Րոպեներ առաջ դատարանը որոշեց 2 ամիս ժամկետով կալանավորել «Իմնեմնիմի» հաղորդման հեղինակ Վազգեն Սաղաթելյանին։

Նրան կալանավորելու միջնորդությունը մակագրվել էր Շենգավիթի նստավայրի դատավոր Նելլի Բաղդասարյանին:

Հիշեցնենք՝ երեկ ձերբակալել են հասարակական գործիչ Վազգեն Սաղաթելյանին՝ իշխանությանը հայհոյելու մեղադրանքով։

Սաղաթելյանի փաստաբան Արմեն Բաբայանը «Facebook» սոցիալական էջում գրել էր, որ դատարանը մերժել է Սաղաթելյանի հետ մի քանի պատգամավորների հանդիպումն ու ավելացրել․

«Նախկինում պատգամավորներն անարգել մուտք են գործել քննչականներ եւ անարգել հանդիպել են ձերբակալվածներին»։