Ադրբեջանի նախագահ Իլհամ Ալիևը հասկանում է, որ 2018 թվականից ձեռք բերած հայկական տարածքները որոշ ժամանակ անց կորցնելու է, դրա համար էլ սպառնալիքներ է տարածում հայկական ռևանշիզմի մասին։ Այսօր «ՀՀ–ի արդի մարտահրավերներն ու դրանց հաղթահարման այլընտրանքային ուղիները» խորագրով քննարկման ժամանակ ասել է ՀՀ նախկին արտգործնախարար Արա Այվազյանը։
«Բաքվի պաշտոնական հռետորաբանությունն ու գործողությունները հետևանականորեն հաստատում են այն փաստը, որ Ադրբեջանը ձգտում է Հայաստանի հետ հարաբերությունների այնպիսի արմատական վերափոխման, որը մշտապես կամրապնդի ներկայիս վիճակը։ Ոգևորված ռազական հաջողություններով, կատարվածի համար քաղաքական գին չվճարելով՝ Ադրբեջանի նախագահը բռնել է ծավալապաշտության, էքսպանսիայի ուղին»,- ասել է Այվազյանը։
Նա ընդգծել է, որ Բաքվի, Երևանի և Անկարայի համար խաղաղություն ասվածը տարբեր իմաստ ունի, իսկ Ալիևի սկսած պատերազմը չի ավարտվել՝ ոչ նոյեմբերի 9-ի եռակողմ համաձայնագրով, ոչ էլ Արցախի բռնի հայաթափմամբ ու բռնազավթմամբ։
