19 Հնս
2024
ABCMEDIA
Սփյուռքի բազմաթիվ համայքներ աջակցություն են հայտնում Տավուշի պայքարին

Սփյուռքի բազմաթիվ համայքներ աջակցություն են հայտնում Տավուշի պայքարին

Սփյուռքի բազմաթիվ համայնքներ միանում են Տավուշի պայքարին:

Կանադայի Տորոնտո քաղաքում գործող Հայ Օգնության Միության Ամենօրյա դպրոցի սաները՝ հաջակցություն Տավուշում տեղի ունեցող ապօրինի սահմանազատման դեմ բողոքի ակցիաների, կատարել են «Սարդարապատ» երգը։

Բուլղարիայի հայկական համայնքը նույնպես բողոքի ակցիաներ են կազմակերպել Հայաստանի դեսպանության մոտ։ Ակցիայի մասնակիցների խոսքով՝ Հայաստանի դեսպան Արմեն Եդիգարյանը լրջորեն անհանգստացել է և թաքուն հեռացել դեսպանատնից, իսկ Բուլղարիայի հայերին դիմավորել է նրա օգնականը։ Ակցիային մասնակցել է նաև Հայ Առաքելական Սուրբ Եկեղեցու Բուլղարիայի թեմի հոգևորական Տեր Հրաչ քահանա Մուրադյանը։

Լոս Անջելեսում ՀՀ գլխավոր հյուպստոսարանի դիմաց, հանրահավաք է անցկացվել հաջակցություն Տավուշի։

Գերմանահայոց Կենտրոնական Խորհուրդը իր անվերապահ աջակցությունն է հայտնում «Տավուշը հանուն Հայրենիքի» շարժմանը։ Կոչ են անում ՀՀ իշխանությանը հրաժարվել պարտվողական քաղաքականությունից և միակողմանի զիջումներից։

Աշխարհի 12 հայկական ուսանողական և երիտասարդական միություն դատապարտել է Փաշինյանի քաղաքականությունը և ողջունել Տավուշում ձևավորված շարժումը։ ՀՅԴ Կանադայի «Արմեն Գարո» ուսանողական միությունը կոչ են անում բոլոր հայկական կազմակերպություններին, Հայաստանում և Սփյուռքում՝ պայքարել հայկական տարածքների հանձնման դեմ և մարտահրավեր նետել Երևանում իշխող վերնախավին։