Մեր քաղաքացիները երկար ժամանակ ասում էին` «բավ է ախտորոշեք, վերլուծեք», հիմա արդեն եկել է գործի ժամանակը․ ABC media–ի հետ զրույցում ասել է քաղաքագետ, Genesis Armenia ուղեղային կենտրոն/հիմնադրամի տնօրենը Աբրահամ Գասպարյանը։
«Ես կարծում եմ, որ մայիսի 9-ը իրապես խլված տոն է եղել` հայությունից խլված, բայց դա չի նշանակում, որ այն դադարել է տոն լինել մեզ համար։ Տոնի քողը չկա, բայց բովանդակությունն ամբողջությամբ այն է, որ մայիսը, Ավարայրից սկսած, նույնիսկ դրանից էլ առաջ, իսկապես մեզ համար եղել է հաղթանակների ամիս։ Ես հիմա չեմ ուզում խոսել հաղթանակների մասին, որովհետև մի փոքր անպատեհ է այն իմաստով, որ մենք դեռ մեր հայտարարած նպատակը չենք հասցրել վերջնակետին»,-ասել է քաղաքագետը՝ հավելելով, որ հաղթանակի բովանդակության մասին կխոսի, երբ գործընթացը հասնի տրամաբանական ավարտին:
«Իհարկե ներուժը կա, և մեզնից է կախված, թե ինչ բովանդակություն կհաղորդենք այս ամենին, այս քայլերթը սև ու սպիտակի քայլերթ չէ, սա հաշվեհարդարի քայլերթ չէ, կարծում եմ՝ սա ավելի ներառական պետք է դարձնի այս ամբողջ գործընթացքը»,-ասել է քաղաքագետը։
Նրա խոսքով՝ պարզից էլ պարզ է, որ պայքարի առաջին փուլը հաջողել է. Կիրանցը, ոտքի կանգնելով, ամբողջ աշխարհի՝ Միացյալ Նահանգների, Ռուսաստանի, Բրյուսելի, տարածաշրջանի այլ երկրների հետաքրքրությունն է առաջացնել:
«Հիմա գալիս է երկրորդ փուլը, գնում ենք Երևան՝ մեր պահանջները հստակ ներկայացնելու»,-ասել է Գասպարյանը՝ հավելելով, որ երրորդ փուլի մասին կասվի ժամանակի ընթացքում:
