Սահմանազատման գործընթացը բացարձակ օրինական է․ Մհեր Գրիգորյան
Սահմանազատման գործընթացը հրապարակային է, և՛ գործընթացը, և՛ կատարման ընթացքը․ Տավուշում իրականացված սահմանազատման ու սահմանագծման աշխատանքների վերաբերյալ հարցերին պատասխանել է «Եռաբլուր» զինվորական պանթեոն այցելած ՀՀ փոխվարչապետ Մհեր Գրիոգորյանը։
«Սահմանազատման գործընթացը բացարձակ օրինական է, եթե դուք շատ ուշադիր կարդաք ապրիլի 18-ի արձանագրությունը և ստորագրված կանոնակարգը, կզգաք, որ որևէ հակասություն չկա գործընթացում»,- ասել է պաշտոնյան։
Գրիգորյանի խոսքով՝ սահմանազատման հաջորդ գործընթացի անցկացման վայրն այս պահին հայտնի չէ, պետք է ավարտել ներպետական ընթացակարգերն ու կանոնակարգերը։
Լրագրողների հարցին՝ արդյոք գործընթացների ժամանակ քննարկվել է Ջերմուկից ադրբեջանական զորքերի դուրսբերումը․ «Ես չեմ կարող հիմա մեկնաբանություններ տալ, որովհետև ըստ աշխատակարգի՝ մեկնաբանությունները պետք է լինեն սիմետրիկ, գրավոր և հրապարակային»։
