Սահմանազատման գործընթացը չի կարող հիմնվել մեկ փաստաթղթի վրա․ Մհեր Գրիգորյանի հայտարարությունները՝ կետերով

ՀՀ փոխվարչապետ Մհեր Գրիգորյանը ԱԺ-ում ներկայացնում է Հայաստանի և Ադրբեջանի միջև համատեղ աշխատանքային խմբի՝ օգոստոսին ստորագրած փաստաթուղթը՝ Սահմանազատման և սահմանագծման պետական հանձնաժողովի համատեղ գործունեության մասին կանոնակարգը։

Փոխվարչապետի կարևոր հայտարարությունները՝ կետերով․

• Հայաստանը և Ադրբեջանը պետք է բանակցեն երկկողմ ձևաչափով, առանց միջնորդների։ Երրորդ երկրի ներգրավմամբ կարող են առաջանալ ռիսկեր, որոնք կնպաստեն հայկական կողմի շահերի խախտմանը։

 

• ՀՀ կադաստրի կոմիտեն 2004 թվականից ի վեր գրանցումներ է արել, որոնց հիմքը չի պարզաբանվում։

 

• Գրանցումները կարող են հիմնվել անհասկանալի քարտեզների վրա, ինչն առաջացնում է իրավական խնդիրներ։

 

• Տավուշում անցկացված զորքերի հետքաշումն արտացոլվել է կանոնակարգում՝ հիմնված առկա փորձի վրա։

 

• Սահմանային գծի օպտիմիզացիան պետք է իրականացվի փոխադարձ համաձայնությամբ։

 

• Սահմանազատման գործընթացը չի կարող հիմնվել միայն մեկ փաստաթղթի վրա։

 

• Հաջորդ սահմանազատման հատվածի վերաբերյալ դեռ քննարկումներ չեն եղել։

 

• Սահմանազատումը պետք է իրականացվի կողմերի միջև համաձայնությամբ։

 

• Մտավախություն, թե Ադրբեջանը չի ստորագրի կանոնակարգը, չկա։

 

• Կանոնակարգը ներառում է նաև սահմանային անվտանգության հարցերը։

 

• Սահմանազատման գործընթացը պետք է հիմնված լինի խորհրդային քարտեզների վրա։

 

• Կանոնակարգը ուժի մեջ կմտնի միայն ծանուցումների փոխանակման դեպքում։

 

• Սահմանազատման գործընթացի համար կարևոր է ունենալ բավարար իրավական հիմքեր։