Ռումինիայում մեկնարկել են խորհրդարանական ընտրությունները

Ռումինիայում այսօր խորհրդարանական ընտրություններ են տեղի ունենում։

Ռումինիայում խորհրդարանական ընտրություններն անցկացվում են չորս տարին մեկ անգամ, երկրում ընտրություններին մասնակցության շեմ չկա։

Առավոտյան տեղի ժամանակով 8։00-ին սկսել են գործել գրեթե 19 հազար ընտրատեղամասեր։ Դրանք կփակվեն 21։00-ին։

Պատգամավորների մանդատին հավակնում է մոտ 10 հազար մարդ, սակայն խորհրդարան կանցնի միայն 456-ը։ Խորհրդարան մտնելու համար կուսակցությունները պետք է հաղթահարեն 5 տոկոսի ընտրական շեմը, երկու կուսակցությունների դաշինքները՝ 8, երեք կուսակցությունների դաշինքները՝ 9, չորս և ավելի կուսակցություններից բաղկացած դաշինքները՝ 10%։