ՀԱՊԿ խորհրդի նիստի ընթացքում ընդունված փաստաթղթերը բացառիկ նշանակություն ունեն եվրասիական տարածքում անվտանգության ապահովման համար․ Տասմագամբետով
Աշխարհաքաղաքական փոխակերպումները և միջազգային ասպարեզում փոփոխությունները մեծ ազդեցություն ունեն ՀԱՊԿ պատասխանատվության ոլորտում իրավիճակի վրա։ Այս մասին լրագրողների հետ հանդիպման ժամանակ հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Պետությունների ղեկավարները շահագրգռված են քննարկելու ՀԱՊԿ պատասխանատվության գոտում տիրող ռազմաքաղաքական իրավիճակին և դրա հնարավոր զարգացման տարբերակներին վերաբերող հարցեր»,- նշել է նա։
Այդ կապակցությամբ՝ կազմակերպության գլխավոր քարտուղարն ուշադրություն է հրավիրել այն փաստի վրա, որ խորհրդի նիստի ընթացքում ընդունված որոշումներն ու ստորագրված փաստաթղթերը «բացառիկ նշանակություն ունեն եվրասիական տարածքում անվտանգության ապահովման համար»։
