Ասադի դավանակից ալավիները սենսացիոն փաստաթուղթ են ստորագրել
Բացառիկ փաստաթուղթ է հրապարակվել Բաշար ալ-Ասադի և նրա հոր՝ Հաֆեզ ալ-Ասադի ծննդավայր Քրդահայի շրջանի համայնքի ներկայացուցիչների ու ալավի կրոնական շեյխերի ժողովից։
«Քրդահայի շրջանի համայնքային ներկայացուցիչների ու հոգևորականության հայտարարությունը.
Համաձայն Քրդահայի շրջանում այսօր՝ 09.12.2024թ. տեղի ունեցած ժողովի.
- Վստահեցնում ենք, որ համաձայն ենք երկրում հաստատված նոր ռեժիմի և սիրիական հայրենիքի հետ։
- Մեր զորակցությունն ենք հայտնում հայրենական բանակին և պատրաստ ենք ձեռք մեկնել՝ կառուցելու նոր Սիրիա, որտեղ կա սեր, միություն, ներողամտություն և խաղաղություն։
- Ժողովի մասնակիցները կոչ են արել բոլոր հրապարակներից ու հանրային վայրերից հեռացնել նախկին իշխանության ներկայացուցիչների արձաններն ու նկարները։
- Կոչ ենք անում Քրդահայի շրջանի քաղաքացիներին վայր դնել զենքերը և հանձնել այնտեղ, որտեղ նախապես համաձայնեցված է։
- Կարևորում ենք երկրի տարածքային ամբողջությունը, կրոնական, մշակության, էթնիկ հանդուրժողականությունը։
6. Պահանջում ենք՝ ոստիկանությունը, ուժային կառույցները, հանրային ծառայությունները Քրդահայի շրջանում շատ արագ վերսկսեն բնականոն աշխատանքը»։
