ԱՄՆ-ն խաղաղարար հայտարարությունների քողի տակ կարող է հետապնդել Հարավային Կովկասում իր գերիշխանությունը հաստատելու նպատակ․ Փեզեշքիան
ԱՄՆ տնտեսական նախագծերը Հարավային Կովկասում կարող են հետապնդել տարածաշրջանում ամերիկյան ազդեցության ամրապնդման և ընդլայնման նպատակ. հայտարարել է Իրանի նախագահ Մասուդ Փեզեշքիանը` ՀՀ վարչապետ Նիկոլ Փաշինյանի հետ հեռախոսազրույցի ժամանակ։
«Անհրաժեշտ է հատուկ զգուշությամբ հետևել ամերիկյան կողմի ապագա քայլերին, որը, ներդրումային նախագծերի և խաղաղ հայտարարությունների քողի տակ, կարող է հետապնդել Հարավային Կովկասում իր գերիշխանությունը հաստատելու նպատակ», – նշել է Փեզեշքիանը, որի խոսքերը հրապարակվել են պետության ղեկավարի Telegram ալիքում։
Իրանի նախագահի խոսքով՝ Հայաստանը չպետք է թույլ տա երրորդ երկրների զինված ուժերի մասնակցությունը տրանսպորտային միջանցքի նախագծի իրականացմանը, որը կկապի Ադրբեջանի հիմնական մասը Նախիջևանում գտնվող նրա անկլավի հետ։
