Հորմուզի նեղուցով նավարկությունը տեղի կունենա Իրանի սահմանած երթուղիներով․ Իրանի ԱԳՆ խոսնակ
Հորմուզի նեղուցով նավարկությունը տեղի կունենա Իրանի սահմանած երթուղիներով՝ Իսլամական Հանրապետության համապատասխան մարմինների համակարգմամբ․ IRIB-ի եթերում ասել է Իրանի ԱԳ խոսնակ Իսմայիլ Բաղային։
Նա ընդգծել է, որ հենց Իրանն է Հորմուզի նեղուցի «պահապանը» և միջոցներ չի խնայի ազգային շահերն ու իրավունքները պաշտպանելու համար անհրաժեշտ գործիքակազմի կիրառման հարցում։
Բաղային նաև նշել է, որ Իսլամական Հանրապետությունը հայելային պատասխան կտա հակառակորդների «անբարյացակամ» գործողություններին։
