Թրամփն ու Պուտինը հեռախոսազրույց են ունեցել․ հայտնի է՝ ինչ են քննարկել նախագահները
ՌԴ նախագահ Վլադիմիր Պուտինը հեռախոսազրույց է ունեցել իր ամերիկացի գործընկեր Դոնալդ Թրամփի հետ․ հայտնել է Ռուսաստանի առաջնորդի օգնական Յուրի Ուշակովը։
Զրույցը տևել է 55 րոպե, հիմնականում քննարկվել են երկկողմ հարաբերություններին, նաև միջազգային օրակարգին առնչվող հարցեր։
Ստորև ներկայացնում ենք, թե ինչ են քննարկել նախագահները՝ կետերով․
- Թրամփը վերահաստատել է Ուկրաինայում ռազմական գործողությունները դադարեցնելու իր կոչը։
- Թրամփը պատրաստակամություն է հայտնել ազդելու Կիևի և ԱՄՆ եվրոպացի գործընկերների վրա։
- Պուտին ասել է, որ Ռուսաստանում քաղաքացիական ենթակառուցվածքներին հարվածելու Կիևի ոչ մի փորձ չի փոխի իրադրությունը մարտադաշտում։
- Պուտինը վերահաստատել է, որ եթե Զելենսկին ցանկանում է հանդիպում, ապա պետք է գա Մոսկվա։
- Պուտինն ու Թրամփը համաձայնել են, որ Ուիթքոֆը և Քուշները շուտով այցելեն Ռուսաստան։
- Պուտինը ԱՄՆ բարձր է գնահատել Մելանյա Թրամփի դերը ռուս և ուկրաինացի երեխաների՝ իրենց ընտանիքների հետ վերամիավորելու գործում։
- Պուտինը և Թրամփը, ի թիվս այլ հարցերի, քննարկել են ԱՄՆ-Իրան հուշագիրը․ Թրամփը տեղեկացրել է, որ ԱՄՆ-Իրան համաձայնագիրը շատ մոտ է, և այն կարող է հրապարակվել այսօր։
- Պուտինը գոհունակություն է հայտնել, որ ԱՄՆ-Իրան հակամարտությունը, որը կարող էր «բռնկել ամբողջ տարածաշրջանը», մարում է։
- Թրամփը շոյվել է Պուտինի շնորհավորանքներից, շնորհակալություն հայտնել նրան և ասել, որ Ռուսաստանի նախագահը առաջին օտարերկրյա առաջնորդն է, որը զանգահարել է իրեն այսօր։
