Այս ժամանահատվածը ցույց տվեց, որ գործում ենք կեղտոտ համակարգի դեմ՝ իր բոլոր դրսևորումներով՝ սկսած համացանցային ամենաստորին աստիճանից, ժողովրդի գումարներով պահվող ՊՈԱԿ-ներից, մենք լուրեր ունենք, որ սրա մեջ ներգրավված է «Վիվառո» ընկերությունը․ այս մասին ասուլիսի ժամանակ ասել է Բագրատ սրբազանը։
«Այս ամբողջ շարժման ժամանակահատվածում խորհրդարանի ամբիոնը դարձել է պարզապես կեղտոտ քարոզչության միջոց, որ մարդիկ ինքնադրսևորվեն այդտեղ։ Դրանցից մեկի՝ Արթուր Հովհաննիսյանի դեմ, որն ըստ տեղեկությունների՝ անցել է նաև թմրանյութերի գործով, դատական գործընթաց ենք սկսելու՝ հայտարարությունների համար։ Դատական գործընթաց ենք սկսել նաև մի լրագրողի նկատմամբ, որը մեզ գործակալ և միլիոնավոր գումարներ ստացած մարդ է անվանել, բայց որևէ արձագանք չունենք»,- նշել է Սրբազանը։
Նա նշել է նաև, որ շարժումն իր բովանդակությունից չի շեղվել և դառնալու է մեր երկրում ոչ միայն արձագանքողը, այլ օրակարգ թելադրողը։
«Բոլոր ոլորտային պատասխանատուները ներգրավվելու են մեր պայքարին և առաջիկա ամիսների ընթացքումը մենք որևէ կերպ հրապարակը չենք լքելու»,- նշել է Սրբազանը։