ԱՄՆ ընտրողները նոյեմբերի 5-ին կգնան ընտրատեղամասեր՝ ընտրելու հաջորդ նախագահին։
Միջին հաշվով՝ դեմոկրատ թեկնածու Քամալա Հարիսը ազգային հարցումներում առաջատար է։ Ըստ BBC-ի ներկայացրած տվյալների՝ Հարիսին աջակցում է ընտրողների 48 %-ն, իսկ Թրամփին՝ 46%-ը։
Սեպտեմբերի 10-ին երկու թեկնածուները հանդիպել են Փենսիլվանիայում` հեռուստաբանավեճի ժամանակ, որը դիտել է ավելի քան 67 միլիոն մարդ: Բանավեճից անմիջապես հետո հրապարակված մի քանի արագ հարցումներ ցույց են տվել, որ հեռուստադիտողների մեծամասնությունը կարծում է, որ Հարիսն ավելի լավ է հանդես եկել:
Այդ ժամանակից ի վեր արված ազգային հարցումների մեծամասնությունը ցույց է տալիս, որ Հարրիսը փոքր-ինչ բարելավվել է իր դիրքերը։ Այդ չնչին աճը հիմնականում պայմանավորված էր Թրամփի թվի նվազմամբ։ Այդուամենայնիվ, ազգային հարցումները միշտ չէ, որ ճշգրիտ կանխատեսում են ընտրությունների արդյունքը:
Վերջին հարցումները ցույց են տալիս, որ մի քանի նահանգներում երկու թեկնածուներին բաժանում է մեկ տոկոսային կետ կամ ավելի քիչ, այդ թվում Փենսիլվանիայում, որն առանցքային նահանգ է։
