ԱՄՆ-ի McDonald’s-ում բուրգերներից մոտ 50 մարդ է թունավորվել, մեկը` մահացել

Ամերիկյան 10 նահանգներում միաժամանակ աղիքային վարակի դեպքեր են գրանցվել, որոնք կապված են McDonald’s-ի սննդի ցանցի հետ։ Բոլոր տուժածները պատմել են, որ մինչ թունավորումը կերել են արագ սննդի տվյալ ցանցի ուտելիքները։

Վարակն ախտորոշվել է 49 մարդու մոտ, որից 10-ը հիվանդանոցում է, ևս մեկ հիվանդ մահացել է։

Իշխանությունները չեն բացառում, որ զոհերը կարող են զգալիորեն ավելի շատ լինել, քանի որ ոչ բոլորն են թունավորումներով դիմում բժիշկներին։