Արցախում կան հազարավոր կորած մարդիկ, բազմաթիվ ընտանիքների անդամներ չեն կարողանում գտնել իրար. Արման Թաթոյան
Արցախում կան հազարավոր կորած մարդիկ։ Կապի
բացակայության պատճառով նրանց գտնելը կամ պարզելը` զոհվա՞ծ են, թե՞ ոչ, չափազանց բարդ
է, գրել է Հայաստանի մարդու իրավունքների նախկին պաշտպան Արման Թաթոյանը։
«Բազմաթիվ ընտանիքների անդամներ չեն կարողանում
գտնել իրար՝ ծնողը երեխային կամ երեխան ծնողին, քույրը եղբորը և այդպես շարունակ։
Ամբողջական բնակելի վայրեր կտրված են իրարից,
մարդկանց ճակատագրերն անհայտ են։
Այս ամենին ավելանում է սննդի, կապի, էլեկտրաէներգիայի,
գազի, դեղորայքի բացակայությունը, որն ավելի է մեծացնում մարդկանց տառապանքները»,-
գրել է Թաթոյանը։
