Դատարանը պարտավորեցրել է վերականգնել AP-ի մուտքը Օվալաձև աշխատասենյակ
Դատարանը կարգադրել է Սպիտակ տանը վերականգնել Associated Press-ի լրագրողների մուտքն Օվալաձև աշխատասենյակ, նախագահական օդանավ և այլ տարածքներ, եթե դրանք բաց են մյուս լրագրողների համար: Դաշնային դատավոր Թրևոր Մաքֆադենը ապրիլի 8-ին հայտարարել է, որ իր որոշումը կայացնելիս հիմնվել է ԱՄՆ Սահմանադրության առաջին ուղղման վրա, որը երաշխավորում է խոսքի և մամուլի ազատությունը:
ԱՄՆ Կառավարությունը որոշումը կարող է բողոքարկել մինչև ապրիլի 13-ը։
Փետրվարի կեսերին Associated Press-ի աշխատակիցներին արգելվել էր մուտք գործել Սպիտակ տան օվալաձև աշխատասենյակ և նախագահական ինքնաթիռ, քանի որ խմբագրությունը հրաժարվել էր իր հրապարակումներում Մեքսիկական ծոցի անվանումը փոխել Ամերիկայի ծոցով՝ չնայած Թրամփի հրահանգին:
