«Իսլամական պետություն» ահաբեկչական խմբավորման
անդամ հանդիսացող
ահաբեկչի դրդապատճառը, որը կրակ է բացել Իրանի Ֆարս նահանգի
Շիրազ քաղաքի Շահ Չերաղ դամբարանում, եղել է հուլիսին մահապատժի ենթարկված ահաբեկիչների
վրեժը, որոնք նմանատիպ ահաբեկչություն էին իրականացրել անցյալ տարվա
հոկտեմբերին, հայտարարել է նահանգի նահանգապետ Մոհամմադ Հադի Իմանիեն:
«ԻՊ-ի անդամ հանդիսացող մարդու շարժառիթը նախկինում ահաբեկչություն կատարած երկու ահաբեկիչների
մահապատժի վրեժն էր (այս դամբարանում – խմբ.), նրա նպատակն էր կրակ բացել կոլեկտիվ աղոթք
անող մարդկանց շարքերի վրա, շնորհիվ անվտանգության աշխատակիցների զգոնության նա ձերբակալվել
է»,- մեջբերում է նահանգապետի խոսքերը Fars գործակալությունը։
Հիշեցնենք, որ օգոստոսի 13-ին ահաբեկչություն էր տեղի ունեցել Իրանի Ֆարս նահանգի Շահ
Չերաղ դամբարանում, ինչի հետևանքով 1 մարդ զոհվել է, ևս 8-ը վիրավորվել։
