Մոսկվան հույս ունի, որ ԵՄ առաքելությունը չի օգտագործվի ներքին գործերին միջամտելու և Երևանին արևմտյան աշխարհաքաղաքական խաղերի մեջ ներքաշելու համար
Մոսկվան հուսով է, որ Հայաստանի իշխանությունները թույլ չեն տա, որ երկրում ԵՄ նոր առաքելությունը Երևանին ներգրավի հակառուսական քաղաքականության մեջ․ հայտարարել է Ռուսաստանի արտաքին գործերի նախարարության խոսնակ Մարիա Զախարովան։
«Մենք հույս ունենք, որ մեր հայ դաշնակիցներն ու ընկերները թույլ չեն տա, որ այս նոր, այսպես կոչված, առաքելությունն օգտագործվի իրենց ներքին գործերին միջամտելու և Երևանին ներքաշելու արևմտյան աշխարհաքաղաքական խաղերի մեջ, որոնք կենթադրեն մեր երկրի հետ բարեկամական կապերի խզում և նրա ներգրավում Բրյուսելի հակառուսական քաղաքականության մեջ», – նշել է նա ճեպազրույցի ժամանակ։
Զախարովան ընդգծել է, որ Արևմուտքը ձգտում է Հայաստանը վերածել իր ֆորպոստի, սակայն Երևանը չպետք է իրական օգնություն ակնկալի ԵՄ-ից։
