Շվեյցարիայի երկաթուղային կայարանում 3 մարդ է դանակահարվել

Շվեյցարիայի հյուսիսում գտնվող երկաթուղային կայարանում երեք մարդ է դանակահարվել․ գրում է Euronews-ը՝ հղում անելով տեղի ոստիկանությանը։

Որպես կասկածյալ ձերբակալվել է Շվեյցարիայի 31-ամյա քաղաքացի։

Դեպքը տեղի է ունեցել Վինտերտուրի երկաթուղային կայարանում։ Երեք վիրավորները՝ 28, 43 և 52 տարեկան, տեղափոխվել են հիվանդանոց։

Ոստիկանության հայտարարության մեջ ասվում է, որ իրավապահներն աշխատում են հարձակման դրդապատճառները պարզելու ուղղությամբ։