Նիկոլն իր վերջին կռիվն է սկսել․ թիրախում Հայրենիքի համար սրտացավ ու պայքարող մարդիկ են լինելու․ Մելիք-Շահնազարյան
Մեր երկրում, որպես կանոն, նման տեսարաններին հաջորդում են այլ տեսարաններ՝ զոհերի հուղարկավորություններ, լքվող գյուղեր ու անտուն մնացած հայրենակիցներ. Այս մասին ֆեյսբուքյան իր էջում գրել է Հրանտ Մելիք-Շահնազարյանը՝ անդրադառնալով Նարեկ Սամսոնյանի ձերբակալությանը։
«Նիկոլն իր վերջին կռիվն է սկսել։ Ինքն ամեն ինչ անելու է այդ կռվում հաղթելու համար։ Թիրախում Հայրենիքի համար սրտացավ ու պայքարող մարդիկ են լինելու։ Նարեկ Սամսոնյանն այս գարնան առաջին ծիծեռնակն է։ Մոտ օրերս հավանաբար նոր ձերբակալություններ կլինեն։
Ու հենց դրա համար եմ ասում՝ Տավուշի համար Երևանում է պետք պայքարել։ Սա քաղաքական խնդիր է, որին պետք է քաղաքական լուծում տրվի։ Հիմնավոր ու վերջնական լուծում»,-գրել է նա։
