Իրավապաշտպան Ռուբեն Մելիքյանն այսօր Սուրբ Աննա եկեղեցու բակում հայտարարեց ոստիկանության կողմից տարբեր «անպատվաբեր քայլերի» մասին:
Մելիքյանի խոսքով` մեքենաները տարել են հատուկ պահպանվող տարածք, իսկ հիմա «Նոյի թվի գործեր են ուզում կարել` մեքենաները երկար պահելու համար»:
Ռուբեն Մելիքյանը հարթակից հնչեցրեց 27 այն քաղաքացիների անունները, որոնք ձերբակալվել են երկու օր առաջ` ԱԳՆ շենքի դիմաց ոստիկանների կողմից իրականացված սադրանքի հետևանքով:
Իրավապաշտպանն այլանդակություն որակեց Դանիել սարկավագի նկատմամբ վերաբերմունքը, երբ ոստիկանները ծաղրել են, ասել են «հայր սուրբ, հայր սուրբ» ու հարվածել:
