GG ընկերությունում իրականացնում են խուզարկություն` կոնկրետ նպատակով, որպեսզի սնանկացնեն բիզնեսը. ABC media-ի հետ զրույցում ասել է «Հինգ իրավապաշտպանների» նախաձեռնության անդամ, փաստաբան Արսեն Բաբայանը:
Նրա խոսքով` դա պայմանավորված է այն հանգամանքով, որ ընկերության տնօրենն ունի հակափաշինյանական դիրքորոշում:
«1937 թվականի կանոններով իրականացնում են ռեպրեսիաներ: Մեր իշխանությունը, հավանաբար, հետագայում Նոբելյան մրցանակ կստանա, որովհետև այս տեսակ անցյալ վերադառնալ, 37 թվական ես երբևէ չէի տեսել»,- ասել է Արսեն Բաբայանը:
Նա նաև տեղեակացրել է, որ դատարանը քննիչներին խուզարկելու իրավունք տվել էր, բայց համակարգիչներն առգրավելու իրավունք չունեին: Չնայած դրան` գրասենյակից ավելի քան 2 տասնյակ համակարգիչ են տարել։
