Կուրսկում խոցված ուկրաինական հրթիռն ընկել է բնակելի շենքի վրա
Կուրսկ քաղաքում խոցված ուկրաինական հրթիռն ընկել է բնակելի շենքի վրա՝ առաջացնելով հրդեհ. այս մասին իր տելեգրամյան ալիքում տեղեկացրել է շրջանի նահանգապետի պաշտոնակատար Ալեքսեյ Սմիրնովը։
«Այսօր խոցված ուկրաինական հրթիռն ընկել է Կուրսկ քաղաքում գտնվող բնակելի շենքի վրա։ Հրդեհ է բռնկվել», – գրել է նա։
Կուրսկի քաղաքապետ Իգոր Կուցակը հայտնել է, որ դեպքի վայրում է գտնվում, հրթիռի ընկնելու հետևանքով վնասվել են նաև մեքենաներ։
«Վնասված շենքի բնակիչներին և մեքենաների սեփականատերերին օգնություն կտրամադրվի»,- գրել է նա իր տելեգրամյան ալիքում։
