«ՀայաՔվե» միավորման համակարգող Ավետիք Չալաբյանն այսօր դատարանի որոշմամբ կալանավորվեց 2 ամիս ժամկետով։
Նրան կտեղափոխեն «Արմավիր» ՔԿՀ։
Այսօր ավելի վաղ հաղորդվել էր, որ ձերբակալել են «ՀայաՔվե» միավորման համակարգող, քաղաքական գործիչ Ավետիք Չալաբյանին։ Նա ձերբակալվել է Քննչական կոմիտեում քննվող քրեական վարույթի շրջանակում։
Նրա կինը պատմել էր, որ քննիչներն ու ոստիկանները՝ մոտ 7-8 անձ, իրենց բնակարան էին եկել առավոտյան ժամը 07։00-ի սահմաններում, երբ բոլորը քնած էին եղել։
«Սա քաղաքական հետապնդում է ու լռեցնելու փորձ, որ իրականացվում է ՍԴ-ի՝ ընտրության արդյունքները վիճարկելու դիմումների քննությանն ընդառաջ»,- մանրամասնել է քաղաքական գործչի կինը։
