ԱՄՆ-ն չի պահանջել դուրս բերել մեր ստորաբաժանումները Լիբանանից․ Իսրայելի պաշտպանության նախարար
Իսրայելի պաշտպանության նախարար Իսրայել Կացը հայտարարել է, որ Վաշինգտոնը չի պահանջել Իսրայելից դուրս բերել զորքը հարավային Լիբանանից․ գրում է Al Jazeera-ն։
«Մենք հայտարարել ենք, որ ոչ մի դեպքում մենք չենք դուրս գա Լիբանանից, և սա դիվանագիտական նվաճում է, չկա պահանջ ամերիկյան կողմից, որ Իսրայելը դուրս գա Լիբանանից», – ասել է Կացը։
Հարցրին, թե արդյոք Իսրայելը կհետևի՞ ամերիկյան կողմի նման պահանջին, նախարարը պնդեց, թե տեղեկացրել են ԱՄՆ-ին, որ ՑԱԽԱԼ-ը Լիբանանի տարածքում է՝ «պաշտպանելու Իսրայելի հյուսիսի բնակիչներին»։
