Հռոմի Ֆրանցիսկոս պապը դիվանագետների առաջ իր ամենամյա ելույթում կոչ է արել «հրադադարի ռեժիմի հասնել բոլոր ճակատներում, այդ թվում՝ Լիբանանում»․ այս մասին գրում է Vatican News-ը:
Երկար ուղերձում, որը երբեմն անվանում են «Աշխարհի վիճակը», պոնտիֆիկոսը դատապարտել է հոկտեմբերի 7-ին ՀԱՄԱՍ-ի հարձակումը Իսրայելի վրա և կոչ է արել անհապաղ ազատել նրանց, ովքեր դեռևս պահվում են Գազայում:
«Ես խրախուսում եմ բոլոր ներգրավված կողմերին վերսկսել բանակցությունները, և կոչ եմ անում բոլորին հրատապ պարտավորություն ստանձնել՝ մարդասիրական օգնություն տրամադրելու Գազայի ժողովրդին: Ո՛չ զենքին, այո՛ խաղաղությանը», – ասել է Հռոմի Ֆրանցիսկոս Պապը։
Այնուամենայնիվ, նա նշել է, որ Իսրայելի ռազմական պատասխանը առաջացրել է «բացառիկ ծանր հումանիտար ճգնաժամ և աներևակայելի տառապանք խաղաղ բնակչության համար»:
Հռոմի պապը հավելել է, որ Գազայի հիվանդանոցները, դպրոցները և պաշտամունքի վայրերը պետք է «ստանան անհրաժեշտ պաշտպանությունը»:
