Գազայի հատվածում մոտ 1,4 միլիոն մարդ չունի բավարար սնունդ և խմելու ջուր։ Այս մասին ասվում է Պաղեստինի տարածքներում ՄԱԿ-ի հումանիտար հարցերի համակարգման գրասենյակի վերջին զեկույցում։
Հաղորդագրության համաձայն՝ բնակիչները բախվում են ջրի պակասի ոչ միայն խմելու, այլև լողանալու համար, ինչը մեծացնում է հիվանդությունների տարածման վտանգը։
Պաղեստինցիների 66%-ը անապահովություն է զգում ջուր վերցնելիս, իսկ 35%-ը պարզապես չի կարողանում, որովհետև վնասված են ջրամատակարարաման համակարգերը։
Գազայի հատվածում 1 միլիոն մարդ ապրում է հակասանիտարական պայմաններում․ քաղաքացիների բնակավայրերից 10 մետր հեռավորությամբ բնապահպանական վտանգներ են՝ կոշտ թափոնների, կոյուղու և կեղտաջրերի տեսքով:
