ՀՀ պետական կառույցները կատարում են Փաշինյանի հրահանգները. «Ուժեղ Հայաստանը»՝ Կարապետյանի կալանավորման մասին
Սամվել Կարապետյանին կրկին կալանավորելու այսօրվա որոշումը ևս մեկ անգամ ապացուցում է, որ Հայաստանի պետական կառույցները կատարում են Փաշինյանի հրահանգները. անդրադառնալով դատարանի՝ Սամվել Կարապետյանին մեկ մասով կալանավորելու որոշմանը՝ հայտարարություն է տարածել «Ուժեղ Հայաստան» կուսակցությունը։
«Ընդամենը մի քանի օր առաջ Փաշինյանը հրապարակայնորեն սպառնում էր ընդդիմության այն առաջնորդներին, որոնք դեմ են Ալիևի Սահմանադրությանը, իսկ այսօր Սամվել Կարապետյանը կրկին կալանավորվում է։ Ալիևը թուլացնում է Հայաստանը դրսից, իսկ Փաշինյանը՝ ներսից»,- ասված է հայտարարությունում։
