Ալմա Աթայում ղազախական կողմի նախագահությամբ կայացել է ՀԱՊԿ Անվտանգության խորհուրդների քարտուղարների կոմիտեի նիստը։ Հանդիպման ընթացքում ՀԱՊԿ գլխավոր քարտուղար Իմանգալի Տասմագամբետովը զեկուցել է ՀԱՊԿ պատասխանատվության գոտում իրավիճակի և կազմակերպության անդամ երկրների անվտանգության մարտահրավերների ու սպառնալիքների չեզոքացմանն ուղղված միջոցառումների մասին։
Հանդիպման մասնակիցները հանգամանալից քննարկել են ՀԱՊԿ պատասխանատվության ոլորտում ստեղծված ռազմաքաղաքական իրավիճակը, ինչպես նաև կազմակերպության ձևաչափի շրջանակներում՝ ՀԱՊԿ-ի անդամ երկրների մարտահրավերներին և սպառնալիքներին դիմակայելու նպատակով իրականացվող գործունեությունը։
