Այսօր Էջմիածնի Մայր Տաճարում քարոզի ժամանակ Արշակ եպիսկոպոս Խաչատրյանը ասել է, թե ոմանք փորձում են խեղաթյուրել եկեղեցու առաքելությունը և եկեղեցին դարձնել սեփական թերընկալումների և թյուրըմբռնումների պատանդը։ Նրա խոսքով՝ այդ նույն մարդիկ փորձում են ոչ թե ծառայել եկեղեցուն, այլ եկեղեցին ծառայեցնել սեփական հիվանդագին պատկերացումներին։
«Եկեղեցուց պահանջել հեռու մնալ հանրային մտահոգություն առաջացնող խնդիրների արծարծումից՝ նշանակում է բացահայտել սեփական տգիտությունը, նշանակում է պատկերացում չունենալ եկեղեցու էության, նրա կոչման և պատմական առաքելության վերաբերյալ»,- ասել է Արշակ սրբազանը։
