Ֆրանսիայում բողոքի զանգվածային ակցիաներ են․ ոստիկանությունն արցունքաբեր գազ է կիրառել
Ֆրանսիայի մայրաքաղաք Փարիզի փողոցներում լարված իրավիճակ է ․ իրավապահ մարմիններն արցունքաբեր գազ և ջրցան մեքենաներ են գործի դրել՝ ցրելու համար բողոքի ակցիաները։
Տեղական լրատվամիջոցները հայտնում են, որ ցուցարարները դուրս են եկել փողոց Ֆրանսիայի խոշոր արհմիությունների և ձախականների հորդորով։
Ֆրանսիացիները պահանջում են չեղարկել կենսաթոշակային տարիքի բարձրացումն։ (այն 63-ից դարձել է 64 - խմբգ․)։
Ցուցարարները պահանջում են նաև վերանայել աշխատավարձի ու կենսաթոշակի չափը։
Ցուցարարները հանդես են գալիս նախագահ Էմանուել Մակրոնի և կառավարության վարած տնտեսական քաղաքականության դեմ։
Հավելենք, որ Ֆրանսիայի ներքին գործերի նախարարությունն այսօր հայտնել է, որ կա մի քանի տասնյակ բերման ենթարկված։
Իրավապահները շարունակում են ուժեղացված հսկողություն իրականացնել Փարիզի կենտրոնական փողոցներում։
