Մալխաս Ամոյանը հաղթեց թուրք ըմբիշին և դարձավ Եվրոպայի եռակի չեմպիոն

Ռումինիայի մայրաքաղաք Բուխարեստում ընթացքի մեջ գտնվող ըմբշամարտի Եվրոպայի առաջնությունում Հայաստանն ունի առաջին չեմպիոնը։

Հունահռոմեական ոճի 77 կգ քաշային կարգի եզրափակչում Հայաստանի ներկայացուցիչ , Եվրոպայի և աշխարհի չեմպիոն Մալխաս Ամոյանը 7:0 հաշվով առավելության հասավ թուրք Յունուս Էմրե Բաշարի նկատմամբ և երրորդ տարին անընդմեջ հռչակվեց Եվրոպայի չեմպիոն։