Ադրբեջանն էկոլոգիական աղետի առաջ է կանգնած
Սևանը շարունակում է մնալ Ադրբեջանի քաղաքական հետաքրքրության կենտրոնում։ Մասնագետներն ասում են՝ Ալիևի վերջին հայտարարությունները պետք է դիտել ոչ միայն անվտանգային, այլ նաև էներգետիկ և ռեսուրսային տեսանկյունից. ջուրը դարձել է համաշխարհային անվտանգության կարևորագույն թեմաներից մեկը։
Ըստ ՄԱԿ-ի՝ աշխարհում մեկ միլիարդ մարդ զրկված է խմելու ջրից, իսկ մինչև 2030 թվականը ջրի պակասը կարող է դառնալ գլոբալ ճգնաժամ։ Վտանգ կա, որ ջրի պաշարների բացակայության հետևանքով աշխարհում կարող է շուրջ 700 մլն․ կլիմայական փախստական լինել։ Այս ֆոնին Ադրբեջանում ջրի պաշարները արագ սպառվում են, և Ալիևի հայտարարությունները դառնում են ավելի հասկանալի։
Համաշխարհային բանկի տվյալներով՝ մեկ շնչին բաժին հասնող քաղցրահամ ջրի պաշարը Ադրբեջանում ընդամենը 851 խորանարդ մետր է, մինչդեռ Հայաստանում՝ ավելի քան 2300 խորանարդ մետր։
