Մտնում ենք TRIPP-ի իրագործման փուլ․ Փաշինյանի ելույթը՝ կետերով
Նիկոլ Փաշինյանն ազգային ժողովում ելույթ է ունեցել՝ ներկայացնելով Կառավարության 2025 թվականի ծրագրի կատարողականը։ Ելույթի առանցքային որոշ կետեր ներկայացնում ենք ստորև․
- Այսօր Հայաստանի ու Ադրբեջանի միջև հաստատված խաղաղությունն ունի բավական ուժեղ հիմք։
- Կիրանցի դպրոցի աշակերտները Ադրբեջանից 50 մետր հեռավորության վրա դասի են գնում, 30 մետր հեռավորության վրա ֆուտբոլ են խաղում։
- Հորմուզի նեղուցի շուրջ առաջացած ճգնաժամը ՀՀ քաղաքացիներն ու տնտեսությունը շատ ավելի շոշափելի ձևով կզգային թե՛ նավթամթերքի գնի, թե՛ գնաճի, թե՛ մատակարարումների առումով, եթե ադրբեջանական երկաթուղու պատմական բացումը ՀՀ-ի համար այս ժամանակաշրջանում տեղի ունեցած չլիներ։
- Մտնում ենք TRIPP նախագծի իրագործման փուլ։
- Պատերազմի եռագլուխ կուսակցության ներկայացուցիչներն ասում են վերաբանակցելու են խաղաղությունը, որ այն ավելի լավը դարձնեն, իսկ ո՞վ կարող է ապացուցել, որ այդ վերաբանակցման արդյունքում այդ փաստաթուղթն ավելի լավն է դառնալու։
- Մենք փոխել ենք մեր պատմության կործանանարար ընթացքը, և ՀՀ-ն դրել ենք ստեղծարար և խաղաղ պատմության ընթացքի մեջ։
