Շաբաթ սահմանամերձ Կիրանց գյուղից դուրս եկած «Տավուշը հանուն հայրենիքի» բողոքի երթի հարյուրավոր մասնակիցները հասել են Երևան և հանրահավաք են կազմակերպել Հայաստանի մայրաքաղաքի կենտրոնում՝ Հանրապետության հրապարակում, գրել է BBC-ին:
Ըստ հոդվածի՝ երթի գաղափարը լայն աջակցություն է ստացել Հայաստանի քաղաքական ընդդիմության կողմից: Փաշինյանի իշխանության վեց տարիների ընթացքում՝ 2020 թվականի պարտված պատերազմից և Ղարաբաղից հայերի դուրս գալուց հետո, երկրում նրա վարած քաղաքականությունից շատ դժգոհներ կան։ Սակայն ընդդիմությանը համախմբելու բոլոր նախկին փորձերը ձախողվել են, քանի որ որպես առաջնորդներ առաջարկվում էին հակասական և ոչ հանրաճանաչ քաղաքական գործիչներ, նախկին նախագահներ կամ նրանց հետ առնչվող գործիչներ:
Ի տարբերություն նրանց՝ Բագրատ Սրբազանը համեմատաբար երիտասարդ է (52 տարեկան) և խարիզմատիկ: Նրա համբավն արատավոր չէ վերջին տարիների քաղաքական ու կոռուպցիոն սկանդալներով։ Հոգևորականին չի կարելի անվանել նաև ռուսամետ գործիչ. նա սովորել և ծառայել է Բրիտանիայում և Կանադայում։
Այս ամենը նյարդայնացնում է Փաշինյանի կուսակցությանը, և նրան մոտ կանգնած լրատվամիջոցները շարժումը վարկաբեկելու արշավ են սկսել՝ մեղադրելով նրան ռուսական հետախուզական ծառայությունների համար աշխատելու և մաֆիայի հետ կապ ունենալու մեջ՝ առանց ապացույցներ ներկայացնելու։
