ԱՄՆ-Չինաստան հարաբերություններն աշխարհի ամենակարևոր հարաբերություններն են․ Սի Ծինփինը՝ Թրամփին
«Աշխարհի ամենակարևոր հարաբերությունները»․ Չինաստանի նախագահ Սի Ծինփինը Պեկինում ԱՄՆ նախագահ Դոնալդ Թրամփի հետ պետական ճաշկերույթի ժամանակ այսպես է նկարագրել ԱՄՆ-Չինաստան հարաբերությունները․ գրում է BBC-ն։
Չինաստանի նախագահը նշել է, որ չինական ազգի մեծ վերածննդին հասնելը և Ամերիկան կրկին մեծ դարձնելը կարող են փոխլրացնել միմյանց։
«Մենք կարող ենք օգնել միմյանց հաջողության հասնել»,- ասել է Սի Ծինփինը՝ հավելելով, որ Չինաստանը և ԱՄՆ-ն պետք է լինեն գործընկերներ, այլ ոչ թե մրցակիցներ։
Ընթրիքի ժամանակ ԱՄՆ նախագահը բարձր է գնահատել երկու երկրների միջև կայացած բանակցությունները՝ դրանք անվանելով «չափազանց դրական»։
Թրամփն իր չինացի գործընկերոջը սեպտեմբերի 24-ին հրավիրել է Սպիտակ տուն։
Ավելի վաղ Սպիտակ տունը հայտարարել էր, որ գրեթե 2 ժամ տևած հանդիպման ժամանակ կողմերը քննարկել են առևտրին, նավթին և Իրանին առնչվող թեմաներ։
