Թուրքիայի և Մեծ Բրիտանիայի արտգործնախարարները քննարկել են Սիրիայում տիրող իրավիճակը
Թուրքիայի և Մեծ Բրիտանիայի արտաքին գործերի նախարարներ Հաքան Ֆիդանը և Դեյվիդ Լեմմին հեռախոսով քննարկել են Սիրիայում ստեղծված իրավիճակի բացասական հետևանքները կանխելու քայլերը․ այս մասին հայտնել է թուրքական դիվանագիտական աղբյուրը։
«Դեկտեմբերի 8-ին Թուրքիայի ԱԳ նախարար Հաքան Ֆիդանը հեռախոսազրույց է ունեցել Մեծ Բրիտանիայի արտգործնախարար Դեյվիդ Լեմմի հետ»,- ասել է գործակալության զրուցակիցը։
Աղբյուրը պարզաբանել է, որ զրույցի ընթացքում քննարկվել են Սիրիայում վերջին իրադարձությունները։ Քննարկվել են համաշխարհային և տարածաշրջանային մակարդակով Սիրիայում ստեղծված իրավիճակի բացասական հետևանքները կանխելու քայլերը։
