Աբդոլլահիանը մեկնել է Բաքու
Իրանի արտգործնախարար Հոսեյն Ամիր Աբդոլլահիանը Ադրբեջանում է, որտեղ կմասնակցի Չմիավորման շարժման համակարգող բյուրոյի նախարարական հանդիպմանը:
Նախարարը Twitter-ում գրել է, որ Չմիավորման շարժումն ունի առանձնահատուկ հնարավորություն ամրապնդելու բազմակողմանիությունը և ընդհանուր մտածողությունը՝ նոր գլոբալ մարտահրավերներին դիմակայելու համար:
«Այս այցը կլինի տարածաշրջանում հարևանության քաղաքականության մոնիտորինգի և զարգացման հնարավորություն», – գրել է նա:
Բացի այդ, այցի շրջանակում նախատեսվում են իրանցի նախարարի հանդիպումներ Ադրբեջանի պաշտոնատար անձանց հետ։
