Ընտրական օրենսգրքում փոփոխություններ են կատարվել

ԱԺ ընտրությանն ընդառաջ մի շարք փոփոխություններ են տեղի ունեցել Ընտրական օրենսգրքում։ Կենտրոնական ընտրական հանձնաժողովի նախագահ Վահագն Հովակիմյանն է ներկայացրել փոփոխությունները, որոնք ուժի մեջ են մտել փետրվարի 7-ից։

Կուսակցությունները նախկին 10 մլն-ի փոխարեն կվճարեն 7,5 մլն դրամ, դաշինքները՝ 15 մլն դրամ։ Փոփոխվել է նաև կոալիցիա կազմելու սկզբունքը․ նախկինում կոալիցիա կարելի էր կազմել առավելագույնը երեք քաղաքական ուժի միավորումից, այնինչ նոր փոփոխությունը թույլ է տալիս երեքից ավելի ուժերի միավորումը։

Կիրառվելու է նաև լրացուցիչ մանդատի ինստիտուտը, ըստ որի՝ շեմը չհաղթահարած ուժերի ձայներն ավտոմատ փոխանցվում են 50 տոկոս և ավելի ստացած ուժին։