Չինաստանը և Իսպանիան խոստացել են ամրապնդել կապերը՝ «փլուզվող» համաշխարհային կարգի պայմաններում
Պեկինում կայացած հանդիպման ժամանակ Չինաստանի և Իսպանիայի ղեկավարները խոստացել են ամրապնդել երկու երկրների միջև կապերը և պաշտպանել համաշխարհային խաղաղությունն ու զարգացումն այնպիսի միջազգային կարգի պայմաններում, որը նախագահ Սի Ծինպինն անվանել է «փլուզվող»․ գրում է Reuters գործակալությունը։
«Այսօրվա աշխարհում քաոս է տիրում, իսկ միջազգային կարգը փլուզվում է», – ասել է Չինաստանի նախագահը՝ հավելելով, որ ավելի խոր կապերը բխում են թե՛ Չինաստանի, թե՛ Իսպանիայի շահերից։
Սանչեսն, իր հերթին, նշել է, որ միջազգային իրավունքը բազմիցս խախտվում է և կոչ է արել ավելի սերտ կապեր հաստատել՝ խաղաղությունն ու բարգավաճումը խթանելու համար։
