Սամվել Կարապետյանի նկատմամբ տնային կալանք խափանման միջոցը պետք է վերացվի․ Արամ Վարդևանյան

Սամվել Կարապետյանի նկատմամբ տնային կալանք խափանման միջոցը պետք է վերացվի։ Որևէ տրամաբանություն չկա այն երկարաձգելու. դատական նիստում հայտարարել է Սամվել Կարապետյանի փաստաբան Արամ Վարդևանյանը։

«Եթե պետք լինի Սամվել Կարապետյանի խափանման միջոցի փոփոխության համար ավելացնել գրավի չափը, մենք պատրաստ ենք»,- ասել է Վարդևանյանը։

Ապրիլի 15-ին դատախազն իր հերթին միջնորդություն էր ներկայացրել 3 ամսով երկարաձգելու Սամվել Կարապետյանի տնային կալանքը։

Հիշեցնենք՝ 2025-ի հունիսի 18-ին Սամվել Կարապետյանին կալանավորելու որոշում էր կայացվել։ Նրա խափանման միջոցը 4 միլիարդ դրամ գրավի դիմաց փոխվել էր տնային կալանքի։