Էրդողանը ՆԱՏՕ-ի գլխավոր քարտուղարի հետ քննարկել է տարածաշրջանային հարցեր

Թուրքիայի նախագահ Ռեջեփ Թայիփ Էրդողանն Անկարայում ընդունել է ՆԱՏՕ-ի գլխավոր քարտուղար Մարկ Ռյուտտեին։

Հանդիպմանը քննարկվել են հուլիսի 7-8-ը նախատեսված ՆԱՏՕ-ի առաջնորդների գագաթնաժողովը, Մերձավոր Արևելքում ստեղծված իրավիճակը և այլ տարածաշրջանային հարցեր։

Մոտ մեկ ժամ տևած հանդիպմանը մասնակցել են նաև Թուրքիայի պաշտպանության նախարար Յաշար Գյուլերը, արտաքին գործերի նախարար Հաքան Ֆիդանը և Էրդողանի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը։