Մեծ Բրիտանիայում 18 տարեկանից փոքրերի համար ծխելու ցմահ արգելք է սահմանվել

Մեծ Բրիտանիայում օրենսդիրները ծխախոտի վերաբերյալ ընդունել են նոր սահմանափակումներ, ըստ որոնց՝ 17 տարեկան կամ ավելի փոքր երեխաներն, ինչպես նաև ապագայում ծնված ցանկացած անձ, երբեք՝ ոչ մի տարիքում, չի կարողանա օրինական կերպով ծխախոտ գնել․ գրում է Reuters գործակալությունը։

Ծխախոտի և էլեկտրոնային ծխախոտների մասին օրինագիծը ծխախոտ գնելու օրինական տարիքն ամեն տարի բարձրացնում է մեկ տարով․ սահմանափակումը վերաբերում է 2009 թվականի հունվարի 1-ին և դրանից հետո ծնված անձանց։

 Ըստ օրենքի՝ 18 տարեկանից փոքր անձանց համար արգելվում է նաև էլեկտրոնային ծխախոտի վաճառքը․ սահմանափակումներ կկիրառվեն նաև գովազդների համար։

 Կառավարությունը նշում է, որ միջոցառումները կօգնեն նվազեցնել ծխախոտ օգտագործողների թիվը և կանխել երիտասարդների մոտ նիկոտինից կախվածության առաջացումը։