Ի՞նչ է փոխանցել Խաչիկ Գալստյանը փաստաբանի միջոցով

Փաստաբան Արսեն Բաբայանը հրապարակել է Խաչիկ Գալստյանի խոսքը․

«Ադրբեջանում հայերին դատում են սեփական հայրենիքը պաշտպանելու, նախնիների արյան կանչի հետևից գնալու ու ազգային մեծ երազանք ունենալու համար:

Հայաստանում հայերին դատում են սեփական հավատքին տեր կանգնելու ու հայրենիքը շատ սիրելու համար։

Եթե աշուղ Ջիվանին ապրեր մեր օրերում, ապա Հայաստանում տեղի ունեցող քաղաքական կրկեսի մասին կգրեր հետևյալ տողերը.

Հայը կանչում է թուրքին,

Էստի՛ համեցեք,

Թուրքը մորթում է հային,

Խելքի՛ աշեցեք։

Թուրքը դատում է հային,

Աշխարհ, իմացե՛ք,

Հայը դատում է հային,

Խելքի՛ աշեցեք։

Խաչիկ Գալստյան

Խղճի, հավատքի ու հայրենիքի կալանավոր»,- հայտարարել է նա։

Նշենք, որ քիչ առաջ հայտնի դարձավ, որ Խաչիկ Գալստյանի և Արամ Քոչարյանի տնային կալանքը երկարաձգվեց ևս 3 ամսով։