Հիմա մենք Հյուսիսային Կորեա՞ ենք գնում, թե՞ Եվրոպա. Ռոբերտ Քոչարյանի հայտարարությունները` կետերով
ABC Media-ն առանձնացրել է ՀՀ երկրորդ նախագահ Ռոբերտ Քոչարյանի մասնակցությամբ «Մեծ քաղաքականություն» փոդքասթից մի շարք ուշագրավ կետեր:
- Ադրբեջանի գործողությունները կապված են այն հանգամանքի հետ, որ իրենք հաստատ գիտեն, որ այս իշխանությունները չեն արձագանքելու:
- Եթե խաղաղությունը որևէ մեկ կողմին է պետք, ապա դա խաղաղություն չէ. միակողմանի խաղաղություն չի լինում:
- Նիկոլ Փաշինյանի և ՔՊ-ի շահերը աղերս չունեն ՀՀ-ի և հայ ժողովրդի շահերի հետ: Ինքն ամեն ինչ անելու է ժողովրդին համոզելու համար, որ շանս չունի, ռեսուրս չունի: Այդ դեպքում հարց է առաջանում՝ բա էդ 8 միլիարդը որ վերցրել ես, ո՞ւր է գնացել:
- Եթե տգետ չես ու տհաս չես, ընդամենը ՄԱԿ-ի ընդունած փաստաթղթերին ծանոթ լինելով կհասկանաս, որ եկեղեցու ոչնչացումը վանդալիզմ է համարվում… սա տարածքի հետ կապ չունի:
- Ինձ համար պարզ էր, որ հայ-թուրքական հարաբերությունները Թուրքիան միշտ կապելու է Ադրբեջանի հետ հարաբերություններին: Իմ տպավորությամբ՝ Թուրքիայի ազդեցությունը Ադրբեջանի վրա մի քիչ գերագնահատված է:
- Ես շահագրգռված եմ եղել մեկ բանի մեջ՝ չանել որևէ քայլ, որը Թուրքիային և Ադրբեջանին ավելի կմոտեցնի իրար, և դա հաջողվում էր:
- Ամենամեծ սխալներից մեկն այն էր, որ 2018-2020 թվականներին ՀՀ իշխանությունները ծայրահեղ հայտարարություններ էին անում նաև Թուրքիայի դեմ:
- Հիմա մենք Հյուսիսային Կորեա՞ ենք գնում, թե՞ Եվրոպա ենք գնում. մի հատ կողմնորոշվեք: Իսկապես պետք է կողմնորոշվել:
