Ես երբեք ինձ թույլ չեմ տա, իմ «կլասսը» չեմ գցի․ Գագիկ Ծառուկյանը հրաժարվեց մեկնաբանել Փաշինյանի ասածները
Ես երբեք ինձ թույլ չեմ տա, իմ «կլասսը» չեմ գցի, քաղաքականությանը երբեք չի կարելի խառնել մայր, երեխա, ծնող․ այսօր նախընտրական քարոզարշավի ժամանակ լրագրողներին ասաց «Բարգավաճ Հայաստան» կուսակցության նախագահ Գագիկ Ծառուկյանը։
Այսօր ավելի վաղ նախընտրական քարոզարշավի ժամանակ Նիկոլ Փաշինյանը սուր հայտարարություններ էր արել Ծառուկյանի հասցեին․ «Մեկը կա, եկել, Բելառուսի նախագահին ա պաշտպանում Հայաստանում։ Ծառուկյան Գագիկ, լեզուդ երկարել ա, ես քեզ ասում եմ՝ լակոտիդ Բելառուսից վզից բռնած բերելու ենք պատասխանատվության»։
