Մի ժամանակ Փաշինյանը հպարտ քաղաքացու անձնագրեր էր բաժանում փողոցներում, հիմա ուզում է ունենալ վախեցած քաղաքացիների մի բազմություն․ Արթուր Խաչատրյան
Մի ժամանակ Նիկոլ Փաշինյանը հպարտ քաղաքացու անձնագրեր էր բաժանում փողոցներում։ Այսօր, երբ Արցախում բուն են դրել ադրբեջանցի ասկյարները, Փաշինյանն ուզում է հպարտ քաղաքացու փոխարեն ունենալ վախեցած քաղաքացիների մի բազմություն, և վախեցնում է, թե «եթե իմ օգտին չքվեարկեք, վաղը պատերազմ կլինի»․ այսօր Երևանի Մալաթիա-Սեբաստիա վարչական շրջանում նախընտրական քարոզարշավի ժամանակ ասաց «Հայաստան» խմբակցության պատգամավոր Արթուր Խաչատրյանը։
«Փաշինյանն ու Ալիևը նույն Հայաստանի պատկերացումն ունեն՝ Հայաստան առանց Մասիսի, առանց եկեղեցու, առանց երազանքների։ Մենք ուզո՞ւմ ենք նման Հայաստան»,- ասաց Արթուր Խաչատրյանը։
