Երևանում միկրոավտոբուսը բախվել է 14-ամյա հեծանվորդին․ երեխան հոսպիտալացվել է

Այսօր՝ մայիսի 22-ին, միկրոավտոբուսի և հեծանվորդի բախում է տեղի ունեցել Երևանում․ գրում է shamshyan.com-ը։

«Ժամը 18:10-ի սահմաններում  Վիլնյուսի փողոցում, թիվ 35/7 հասցեի դիմաց, Երևանի բնակիչ 68-ամյա Գագիկ Բ․-ն վարած, թիվ 64 համարի երթուղին սպասարկող  միկրոավտոբուսով բախվել է հեծանվորդ, Երևանի բնակիչ 14-ամյա Գագիկ Ա․-ին։

Հեծանվորդը մարմնական վնասվածքներով տեղափոխվել է երևանյան բժշկական կենտրոններից մեկը։

Դեպքի փաստով քննչական բաժնում նախաձեռնվել է քրեական վարույթ։

Տեղում վարորդը ենթարկվել է սթափության փորձաքննության, եղել է սթափ։

Ըստ տեղեկություններով՝ միկրոավտոբուսը սպասարկում է թիվ 64 երթուղին, իսկ վարորդը աշխատում է «Երևան ավտոբուս» ՓԲԸ-ում»,- գրում է լրատվամիջոցը։

Մանրամասները՝ սկզբնաղբյուրում։